Vintage

Something Different for Joomla

Որոնել կայքում

Գրանցվեք` աշխատանք գտնելու Ձեր շանսերը բարձրացնելու համար:

Գրանցվել / Մուտք

Աշխատանքի բազմազան հնարավորություններ Печать

ԱՄՆ Աշխատանքի վիճակագրության բյուրոն վերջերս հրապարակեց իր տարեկան զեկույցը, ակնհայտ դարձնելով, որ պոտենցիալ աշխատողները դեռևս աղետալի իրավիճակում են: Բայց, եթե կարծում եք, որ 7,7% գործազրկությունը մտահոգիչ է, ապա փորձեք բազմապատկել այդ թիվը տասով: Տեսողական խնդիրներ ունեցող աշխատանքային տարիքի անձանց շրջանում գործազրկության մակարդակը 70-80% է: Եթե ընդհանուր բնակչությունը այսպիսի իրավիճակում ապրեր, տնտեսությունը վաղուց կփլուզվեր:

Ավելի քան 16 միլիոն աշխատանքային տարիքի ամերիկացիներ տեսողական խնդիրներ ունեն, որոնցից երեք չորրորդը ներկայումս գործազուրկ են և կախված են կառավարության աջակցությունից: Այս մարդկանց ներառումը աշխատաշուկայում միանշանակ դրական սոցիալական և տնտեսական ազդեցություն կունենա:

Տեսողական խնդիրներ ունեցող անձինք հավասար լինելու հնարավորություն և տարբերվելու իրավունք են պահանջում:Սա նշանակում է պատշաճ հարմարեցում

7 և վերապատրաստում, որպեսզի տեսողական կամ այլ հաշմանդամություն ունեցող անձինք կարողանան զբաղվել իրենց հմտություններին և մասնագիտական նպատակներին համապատասխանող մասնագիտական գործունեությամբ: Փորձը ցույց է տալիս, որ տեսողական հաշմանդամություն ունեցող անձանց համար բարեկամական և մատչելի միջավայրի ստեղծումը բավականին հեշտ և համեմատաբար էժան է: Հաշմանդամություն ունեցող անձանց հարցերով զբաղվող հասարակական կազմակերպությունները կարող են պրակտիկ տեղեկատվություն տրամադրել տարբեր տեսակների հաշմանդամություն ունեցող աշխատակիցների և հաճախորդների համար աշխատավայրի արդյունավետ հարմարեցման վերաբերյալ:

Կարևոր դեր են խաղում տեղեկատվական տեխնոլոգիաները: Աշխատակիցները պետք է հնարավորություն ստանան օգտագործել ծրագրային ապահովման և տեղեկատվական բազմաթիվ տեխնոլոգիաները: Այսպիսի տեխնոլոգիաների արտադրությամբ զբաղվող ընկերություններից շատերն այժմ միջոցառումներ են ձեռնարկում իրենց արտադրանքը հաշմանդամություն ունեցող անձանց հարմարեցնելու համար: Բազմազան աջակցող սարքերի, ծրագրերի և տեխնոլոգիաների շնորհիվ մասնագիտական առաջընթացի դռները երբեք այսքան բաց չեն եղել տեսողական խնդիրներ ունեցող անձանց համար: Այս գործիքները հնարավորություն են տալիս տեսողական, լսողական և խոսակցական դժվարություններ ունեցող անձանց` հեշտությամբ կողմնորոշվելու, շփվելու, հաշվարկներ և այլ գործառույթներ կատարելու նոր, թվային աշխատավայրում:

Աղբյուր`

 
Joomla Templates by JoomlaShack